ايفير البحير السلامي

کل مصباح اجیم القوی بل بر

الکده و اتبع الکلفات بل بر

اخذنی اویا  و ذبنب النقل بل بر

مثل یوسف و اخوته عمل بیه

*

غوجی ما یضوگ الدغل وسفه

 و عدوی ما گضیت اویاه وسفه

الدوله اتطیح عد عچعیچ وسفه

الزین امکسره اعضوده الدنیه

*

رکبت امسایرات الوگش و یسار

و من مثلی رهین الدهر و یسار

علی الزینین ا گوی العین و یسار

و من الدگمان چنه اتصیر بیه

*

ملچک ما یحب یا میر ملچای

 و همه هیبتی و بل ضیج ملچای

توازینی و اگص ابسعف ملچای

الگص ابزورته ما ضخن فیه

*

العدل یمعش من الدنیه معا شای

المیت هم خذه الگبره معاشای

یراعی النعم لا تگطع معا شای

و چهبت غیرکم تکلف علیه

*

ابزی ماهوت ما تبخل و لاشال

و مدحنه ما ثمر عدکم و لا شال

مرکبک بس عسر منی و ماشال

نگل کل الخلیج و دار میه

*

ایفیر التاه من الدرب دهدو

و ینین الچبد من النهد دهدو

رگاهه  الفحل و آنه اصیح دهدو

الفحل مسیون و الطالب شهیه

*

اسفهه و اتلومنی المخلوگ چی های

التعرفه شری کیف ایصیر چی های

الو همی علی حمرین چی های

اعتلگ لا للسمه و لا للوطیه

*

وهب یبنی تلگه البی حیابی

ایتغریف و اشکثر وجهه حیابی

اشمقیسه گوس الافرنگی حیابی

شگص بیه و مکنزی یر علیه

*

وهب یبنی تلگاهن حیلهن

و چمن ناقون یتراطن حیلهن

دوک البیض بالک من حیلهن

من گبلک هواهن فتک بیه

*

گلب ایفیر لم اخزان ینزر

علی الزیجه دلع ما یوم ینزر

الواجب بیتهم کل یوم ینزر

مانعنی الحیا و غصبن علیه

*

ایفیر التاه رایه و تاه عگله

و علی راس الامصربل حفر عگله

مثل عزر الایهودی الفتل عگله

ابرجات البل و اگول اترد علیه

*

 یون اهدیب ماظن یون خالی

یزر جسمی و ضل العظم خالی

تجابلنی و تگلی اشلون خالی

عسا هه ابخولت الگشره علیه

*

شال ابلیل ضعن الغید ولفای

و علی اگطع ادروب الخطر و الفای

ابیوم اسعید اطب ابلاد ولفای

انام و مومتی ابعینی هنیه

كلمات المرحوم ايفير, البحير, السلامي,